ആന്തരീക സൗഖ്യ ധ്യാനങ്ങളിലൂടെ പതിനായിരങ്ങൾക്ക് ആത്മീയ സൗഖ്യമേകുവാൻ സഹായിച്ചിട്ടുള്ള ഫാ. ജോയി ചേറാടിയിൽ നയിക്കുന്ന നോമ്പ് കാല ധ്യാനം മാർച്ച് 4,5,6 തീയതികളിലായി മാഞ്ചസ്റ്ററിൽ നടക്കും.
മാർച്ച് 4 വെള്ളിയാഴ്ച വൈകുന്നേരം അഞ്ച് മണിക്കാരംഭിക്കുന്ന ധ്യാനം മൂന്നു ദിവസങ്ങളിലായി നടത്തപ്പെടുന്നു. മാഞ്ചസ്റ്ററിലെ ലോങ്ങ്സൈറ്റിലുള്ള സെന്റ്. ജോസഫ് ദേവാലയത്തിൽ വച്ചാണ് ധ്യാനം.
ധ്യാനത്തിന്റെ സമയ ക്രമീകരണം:
MARCH 4, FRIDAY: 5 PM - 9PM
MARCH 5, SATURDAY: 10 AM - 5 PM
MARCH 6, SUNDAY: 2 PM - 8 PM
കുട്ടികൾക്കായി പ്രത്യേക ധ്യാനവും ബൈബിൾ ക്ലാസും ഉണ്ടായിരിക്കുന്നതാണ്. ധ്യാന ദിവസങ്ങളിൽ കുമ്പസാരത്തിനുള്ള സൗകര്യം ഉണ്ടായിരിക്കുന്നതാണ്. ധ്യാനത്തിലും ദിവ്യബലിയിലും പങ്കെടുത്തു പാപമോചനത്തിനായും ഹൃദയത്തെ വിശുദ്ധീകരിക്കുവാനുമുള്ള ഈ അവസരത്തെ പ്രയോജനപ്പെടുത്തണമെന്ന് സാൽഫോർഡ് രൂപതാ സീറോ മലബാർ ചാപ്ലയിൻ ഫാ. തോമസ് തൈക്കൂട്ടത്തിൽ പ്രത്യേകം അഭ്യർത്ഥിക്കുകയും ക്ഷണിക്കുകയും ചെയ്യുന്നു.